My Sky is darker than thine

Ferðin til Kárahnjúka var brilliant. það hjálpar að hafa góða ferðafélaga ;)
Þótt ýmislegt hafi komið uppá(vondur skyndibiti, rangt eldsneyti og að villast)
þá eyðilagði það ekki fyrir.

Virkjunin sem slík hefur mun meiri áhrif á landslagið en ég gat gert mér í hugarlund.
Að sjá myndir í sjónvarpi og stærð á kortum gefur manni ekki rétta mynd af afleiðingunum.
Svæðið sem fer undir vatn er í sjálfu sér ekki merkilegt, en það svæði sem er fyrir neðan stífluna skiptir mig meira. Þ.e.a.s. Dimmugljúfur. Það er það næstflottasta sem ég hef séð hér á landi(það flottasta er Ásbyrgi). það er svæði sem er enn í myndun en þessi stífla mun minnka þau áhrif allsvakalega. Það finnst mér sorglegt.
Álverið er ég á móti, þetta er svo "cheap" lausn á byggðarflótta. Auðvitað ekki ódýr lausn hvað varðar kostnað heldur hvað varðar byggðarlausn. Það þarf svo lítið til að þetta hrynji niður.
Ef álverð lækkar mikið þá er þetta hrunið til grunna. og hvað gerist þá?
Erum við þá ekki að tala um hvað gerðist fyrir stáliðnað í Evrópu? Eftir að ódýrt stál fór að berast á markaðinn frá Asíu, þá hrundi heimsmarkaðsverð. Og heilu bæirnir fóru í eyði.
Sheffield td er ekki svipur að sjón.

Hvað varðar ferðina sjálfa, þá mun ég láta bró skrifa ferðasöguna. Hann er betri penni en ég ;)